Аиҧылара

— Мшыбзи́а!
— Бзи́а убаа́ит, Ахра!
— Бышҧа́ҟоу, Ка́ма?
— Иҭабу́п, хар сы́мам. Уара́ ушҧа́ҟоу?
— Саргьы́ хар сы́мам.
— Баба́ҟаз Ка́ма, бсымбе́ижьҭеи кыр ҵуе́ит?
— Сара́ нха́ра Ешы́раҟа си́асит. Уажәы́ уа́ сынхо́ит.
— Ешы́ра ау́сурҭа быҧшаа́ма?
— Мап, сы́ҧшәма уа́ дынхо́ит азы́ уахь си́асит.
— Сара́ ха́ҵа бышца́з (и)смаҳазе́ит. Ибы́дысныҳәалоит!
— Иҭабу́п!
— Дызу́сҭада бха́ҵа?
— Аба́р иара́ дааи́уеит, шәеибады́р. Ари́ сҩы́за Ахра Бжьа́ниа ио́уп!
— Мшыбзи́ақәа! Бзи́ара шәы́мазааит! Сара́ Уаси́л сы́хьӡуп, с-Аҩыӡбо́уп. Шәы́збахә ибзи́аны исаҳахье́ит.
— Иҭабу́п! Ҳахьеибадырыз сгәы иа́хәуеит!
— Саргьы́ уба́с! Аҩны́ҟа ҳамҩахы́ҵып*, сара́ абра́ ааигәа́ сынхо́ит. Ка́меи саре́и аҵа́ра еица́ҳҵон. Сҩы́за бзи́а ло́уп ҳәа дсыҧхьаӡо́ит.
— Иҭабу́п, абзи́аразы уаҩ дне́илааит!** Уажәы́ маҷк ҳаццакуе́ит, ауаа́ ҳзыҧшу́п. Ҳаҭа́мзааит! Ҳара́ ҳахь Ешы́раҟа лҩы́зцәа шәне́ир еиҳагьы́ еи́ҕьаҳшьоит.
— Иҭабу́п, хы́мҧада ҳне́иуеит!
— А́замана! Уажәазы́ абзи́араз!
— Абзи́араз! А́мҩа бзи́а!

Meeting

— Good day!
— Hello, Akhra!
— How are you, Kama?
— Thank you, (I'm) well. And how are you?
— I'm well too.
— Where have you been, Kama, I haven't seen you for a long time?
— I moved to live in Eshera. Now I live there.
— Did you find work in Eshera?
— No, my husband lives there, that's why I moved there.
— I hadn't heard that you got married. Congratulations!
— Thank you!
— Who is your husband?
— Here he comes now, let me introduce you: this is my friend Akhra Bzhania!
— Good day! Hello! My name is Wasil, (my family name is) Avidzba. I've heard many good things about you.
— Thank you! I'm glad we've met!
— Me too! Let's go to my place, I live nearby here. Kama and I studied together. I consider her my friend.
— Thank you, some other time! Right now we're in a bit of a hurry, people are waiting for us. Excuse us! We would like it even better if you, her friends, came to visit us in Eshera.
— Thank you, we'll definitely come!
— Wonderful! Goodbye for now!
— Goodbye! Have a good journey!

Notes
* аҩныҟа ҳамҩахыҵып — the standard form of inviting someone to your home.
** абзиаразы уаҩ днеилааит — a polite form of declining an invitation to someone's home. (Literally: may people come to you on good occasions).

New words and expressions
(…)шҧа́ҟоу? How are you...(ing)? Бышҧа́ҟоу? How are you (fem.)? Ушҧа́ҟоу? How are you (masc.)? Шәышҧа́ҟоу? How are you (plural/formal)?
хар сы́мам (Answer to "How are you?") not bad, (well)
акы́р some (time; amount)
аҵра́ to pass (of time). Ка́ма, бсымбе́ижьҭеи (а)кыр ҵуе́ит. Kama, I haven't seen you for a long time.
а́иасра to move across, to relocate
уажәы́ now
уа there
ау́сурҭа workplace; job
а́ҧшаара to search for, to find
а́ҧшәма owner; husband
а́ҧшәмаҧҳәыс mistress; wife
уахь (to) there
а́дныҳәалара congratulation. А́дныҳәалара да́ҧхьеит. He/she read the congratulation.
а́дныҳәалара to congratulate. Илы́дысныҳәалеит. He congratulated her. Ишәы́дысныҳәалоит. I congratulate you.
иҭабу́п thank you
дызу́сҭада? who is he/she? бызу́сҭада? who are you (fem.)? узу́сҭада? who are you (masc.)?
аха́ҵа man; husband
ха́ҵа ацара́ to get married (of a woman)
аба́р here (is)
а́ибадырра acquaintance. Ҳа́ибадырра се́игәырҕьоит. I'm glad of our acquaintance.
а́ибадырра to become acquainted. Шәеибады́р, ари́ сҩы́за ио́уп. Get acquainted, this is my friend.
агәы́ а́хәара to like; to be pleased. Сгәы́ иа́хәуеит. I like it (I'm pleased).
аибадырра to get acquainted. Ҳахьеибадырыз сгәы иа́хәуеит! I'm glad we got acquainted!
уба́с so, thus
ааигәа́ nearby; recently
а́ҧхьаӡара to consider
абзи́аразы уаҩ дне́илааит (a polite form of declining an invitation to someone's home). Thank you, some other time!
аҧшра́ to wait. Ауа́а ҳзыҧшу́п. People are waiting for us.
аҭа́мзаара: саҭа́мзааит excuse me; ҳаҭа́мзааит excuse us
а́иҕьашьара to prefer
хы́мҧада without fail, definitely. Хы́мҧада сне́иуеит. I will definitely come.
а́замана wonderful, excellent

А́аҧхьара

Ҳаҭы́р зқәу…
Жәабра́нмза 15 2002 ш., асаа́ҭ 15 рзы, Ахатәы́ галере́иа ахы́браҿы, иаатуе́ит аса́хьаҭыхҩы Леуа́рса Бы́ҭәба иу́сумҭақәа рцәы́ргақәҵа.
Ҳшәы́ҳәоит, шәхы а́лашәырхәырц.
Ҳара́ ҳҭыӡҭа́ А́ҟәа, ака́д. Марр и́мҩа, 11.
Ҳаҭы́рла Е.Лаба́хәуа

New words and expressions
а́ҳаҭыр respect; ҳаҭы́р зқәу respected, honored
ахы́бра roof; building
аатра́ to open; to be opened
аса́хьаҭыхҩы artist
ау́сумҭа work; creation
ацәы́ргақәҵа exhibition
аҭыӡҭа́ address
а́мҩа road; street

Аџьармы́кьаҿы

Иацы́ са́ни са́би аулафахәы́ ро́уит. Уаҵәы́ сашьа́ еиҵбы́ Гәди́са и́мшира а́уп азы́ иахьа́ а́шьыжь аџьармы́кьахь ҳца́рц ҳаӡбе́ит. А́ҧхьа иаа́ххәарц иа́ҳҭаху ақьаа́д бҕьыц иана́ҳҵеит. Ҳара́ иаҳҭахы́н: ашы́ла, ачашы́ла, а́хәша, ашәы́р, ауҭраҭы́х, акәа́ц, ашә.

А́шьыжь са́ни саре́и аџьармы́кьахь ҳаицце́ит. Саб аџьармы́кьахь аныҟәара бзи́а ибаӡо́м. Ҳанне́и асаа́ҭ жәба ҟалахьа́н. Ауаа́ даа́ра ирацәа́н. Сан аҧа́ра сы́лҭан, ашәы́р аа́схәарц слышьҭи́т. Лара́ сашьа́ еиҵбы́ изы́ аҳа́мҭа аа́лхәарц а́ҩбатәи а́ихагылахь дха́леит. Ашәы́рқәа аа́схәан, нас сан дсыҧшаа́ит. Ларе́и саре́и сашьа́ изы́ аҳа́мҭа а́лаҳхит. Уи́ а́шьҭахь иа́ҳҭахыз зегьы́ аа́хәаны аҩны́ҟа ҳце́ит.

At the Market

Yesterday (my) mother and father received their wages. Tomorrow is my younger brother Gudisa's birthday, so today we decided to go to the market in the morning. First we wrote down on a piece of paper what we wanted to buy. We needed: corn flour, wheat flour, butter, fruit, vegetables, meat, cheese.

In the morning my mother and I went to the market together. My father doesn't like going to the market. By the time we arrived it was already nine o'clock. There were a great many people. My mother gave me money and sent me to buy fruit. She went up to the second floor to buy a present for my younger brother. I bought the fruit, then found my mother. She and I chose a present for my brother. After that, having bought everything we needed, we went home.

New words and expressions
аулафахәы́ wages, salary
аиҵбы́ younger
а́мшира birthday
а́ӡбара to decide; to judge
анҵара́ to write down
ашы́ла corn flour
ачашы́ла wheat flour
а́хәша butter
ашәы́р fruit
ауҭраҭы́х vegetables
ашә cheese
ане́ира to come (there); antonym аа́ира to come (here)
а́рацәа a great many, much
аихагы́ла floor, storey
аха́лара to go up, to rise
а́ҧшаара to look for; to find
аҳа́мҭа gift, present
а́лхра to choose, to select
уи́ а́шьҭахь after that

Сара́ сыҧса́дгьыл Аҧсны́

Шәара́ ижәдыруазар акәхап ҳаҧса́дгьыл Аҧсны́ (и)шьҭо́уп Кавка́з а́шьхақәеи Амшы́н Еиқәе́и рыбжьа́ра. Ҳара́ ҳҳәынҭқа́рра еихшо́уп быжь-раио́нк ры́ла: Га́лтәи, Тҟәарча́лтәи, Очамчы́ратәи, Гәылры́ҧшьтәи, А́ҟәатәи, Гәдо́уҭатәи, Га́гратәи. Ара́ҟа а́ҧсуаа ры́дагьы инхо́ит амила́ҭқәа (и)рацәаны́: а́урысцәа, аерманцәа́, а́урымцәа, аҟаба́рдаа, аеды́гьқәа, аба́зақәа, агы́рцәа, ақы́рҭцәа уҳәа́ уба́с егьырҭгьы.

Аҧсны́ аҳа́уа (и)бзи́оуп, амшы́н (и)ҧхо́уп, иҧшӡа́роуп. А́ҧхын ара́хь аҧсшьацәа́ рацәаҩны́ иаауе́ит. А́нкьа еиҳагьы́ ирацәа́н, аха́ А́қырҭуа-а́ҧсуа еибашьра́ аа́н А́ҧсны аҧхасҭа́ ҕәҕәа аио́уит. Ирацәангьы́ ауаа́ ҭахе́ит. Аха́ ари́ а́ибашьраҿы ҳара́ аиаа́ра ааге́ит. Иахьа́ иҳаргы́лоит зхы иа́қәиҭу а́ҧсуа ҳәынҭқа́рра. Ауада́ҩрақәа рацәо́уп, аха́ у́рҭгьы ҳариаа́иуеит.

А́ҧсуа анекдо́т

Қы́ҭак аҿы́ ауаа́ ашәҟәы́ ианы́рҵоит. Ауа́да дааҩна́лоит аҭауа́д Алмасха́н Ҵы́шәба.
— Иу́жәлоузеи? — дҵаа́ит, ашәҟәы́ ианы́зҵоз а́урыс.
— Ҵы́шәба, иҳәе́ит аҭауа́д. Апи́сар иани́ҵоит уры́сшәала «Цишба».
— Сара́ с-Цы́шбазам, ухаҵкы́, — иҳәе́ит аҭауа́д, — а́-Цышбақәа нхацәо́уп. А́урыс еиҭа́ аҩра́ да́лагеит Ц-у-ш-б-а. А́ҭауад дгәа́аит.
— Сара́ с-Цу́шбазам, а́-Цушбақәа нхацәо́уп, сара́ с-Ҵы́шәбоуп, Ҵы́шә-ба!
— Аурыс даахәы́цын ииҩи́т Ц-свисток-ба.